पनौती/पनौती नगरपालिका वडा नम्वर ११ बल्थली ख्याकुमा जुवा तास खेलिरहेका २१ जना जुवाडे पक्राउ परेका छन् । इलाका प्रहरी कार्यालय बनेपाले जुवातास खेलिरहेको अवस्थामा २१ जनालाई शनिबार राति नियन्त्रणमा लिएको हो । उनिहरुबाट ९३ हजार ३ सय १५ रुपैया बरामद भएको छ । 
    स्थानीयहरुले पटक पटक तास जुवा नखेल्न अनुरोध गर्दा पनि उक्त स्थानमा हरेक दिन तास खेलाईरहने गरिएको थियो । प्रहरीलाई पटक पटक अनुरोध गर्दा पनि कोहि पक्राउ पर्न सकेका थिएनन । बनेपामा इन्चार्ज परिवर्तन भए लगत्तै ईलाका क्षेत्र भित्रका सबै युनिटहरुलाई जुवा तास नियन्त्रण गर्न डिएस्पी ज्ञानबहादुर खड्काले निर्देशन दिएका थिए । लगत्तै विभिन्न स्थानमा जुवा तास खेलिरहेका ब्यक्तिहरु पक्राउ पर्न थालेका छन् । पक्राउ पर्नेहरुको नामावली प्रहरीले सार्वजनिक गर्ने तयारी गरेको छ । कार्तिक ७ गते पनौती ९ कुँवरगाउँबाट पनि प्रहरीले ५ जनालाई नियन्त्रणमा लिई अनुसन्धान गरिरहेको छ । उनिहरुबाट ९५ हजार नगद बरामद भएको थियो । खानीखोला घर भएका दृेवराज बल, सिन्धुली घर भएका निरजमान घिसिङ्ग, पनौती ९ का गोलबहादुर घिसिङ, सोहि ठ्ेगानाका जगतबहादुर घिसिङ र अक्कलबहादुर घिसिङ पक्राउ परेका थिए ।